ಉತ್ತರ ಪ್ರದೇಶದ ಮುಜಫರ್ ನಗರದ ಚರಥವಾಲ್ ಪಟ್ಟಣದಲ್ಲಿ ಪ್ರಾಣಿ ಮತ್ತು ಮನುಷ್ಯರ ನಡುವಿನ ವಿಶಿಷ್ಟ ಬಂಧವನ್ನು ಸಾರುವ ಅಪರೂಪದ ಘಟನೆಯೊಂದು ನಡೆದಿದೆ. ಸ್ಥಳೀಯ ನಿವಾಸಿ ತಹ್ಸೀನ್ ಎಂಬುವವರ ಮನೆಗೆ ನುಗ್ಗಿದ ಮಂಗವೊಂದು, ಅಲ್ಲಿನ ಮೂರು ತಿಂಗಳ ಪುಟ್ಟ ಕಂದಮ್ಮನನ್ನು ಎತ್ತಿಕೊಂಡು ತನ್ನದೇ ಮಗು ಎಂಬಂತೆ ಸುಮಾರು ಎರಡು ಗಂಟೆಗಳ ಕಾಲ ಗಾಢವಾಗಿ ಅಪ್ಪಿಕೊಂಡಿದೆ. ಮಗುವನ್ನು ಯಾರಿಗೂ ಕೊಡದಂತೆ ಬಿಗಿಯಾಗಿ ಹಿಡಿದುಕೊಂಡ ಮಂಗನ ನಡವಳಿಕೆಯಿಂದ ಮನೆಯವರು ಮತ್ತು ನೆರೆಹೊರೆಯವರಲ್ಲಿ ಮಗುವಿನ ಸುರಕ್ಷತೆಯ ಬಗ್ಗೆ ತೀವ್ರ ಭಯ ವ್ಯಕ್ತವಾಗಿತ್ತು. ಆದರೆ, ಆ ಮಂಗ ಮಗುವಿಗೆ ಯಾವುದೇ ಅಪಾಯ ಮಾಡದೆ, ತಾಯಿಯಂತೆ ಮಮತೆಯಿಂದ ಮುದ್ದಾಡುತ್ತಿರುವ ದೃಶ್ಯ ಅಲ್ಲಿ ನೆರೆದಿದ್ದವರ ಕಣ್ಣಾಲಿಗಳನ್ನು ತೇವಗೊಳಿಸಿತು. ಅಂತಿಮವಾಗಿ ಮಗು ಸುರಕ್ಷಿತವಾಗಿ ಪೋಷಕರ ಕೈಸೇರಿದ್ದು, ಮಗುವಿನ ಮೇಲಿನ ಮಂಗನ ಈ ‘ಅಮ್ಮನ ಪ್ರೀತಿ’ಯ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.
