FIFA World Cup 2026: ಫಿಫಾ ವಿಶ್ವಕಪ್ನ ಐದನೇ ದಿನವು ಐತಿಹಾಸಿಕ ಹಾಗೂ ಅಪರೂಪದ ದಾಖಲೆಗೆ ಸಾಕ್ಷಿಯಾಗಿದೆ. ಈ ದಾಖಲೆ ನಿರ್ಮಾಣವಾಗಿರುವುದು ಬರೋಬ್ಬರಿ 68 ವರ್ಷಗಳ ಬಳಿಕ. ಅಂದರೆ ಅರವತ್ತೆಂಟು ವರ್ಷಗಳ ಬಳಿಕ ಫಿಫಾ ವಿಶ್ವಕಪ್ನಲ್ಲಿ ಒಂದೇ ದಿನ ಎಲ್ಲಾ ಪಂದ್ಯಗಳು ಡ್ರಾ ಆಗಿದೆ. (PC: Fifa)
ಇದಕ್ಕೂ ಮುನ್ನ, 1958ರ ಜೂನ್ 15 ರಂದು ವಿಶ್ವಕಪ್ನಲ್ಲಿ ಒಂದೇ ದಿನ 4 ಪಂದ್ಯಗಳು ಡ್ರಾ ಆಗಿದ್ದವು. ಆದರೆ, ಅಂದು ಒಟ್ಟು 8 ಪಂದ್ಯಗಳು ನಡೆದಿದ್ದವು (ಅಂದರೆ ಶೇ. 100 ರಷ್ಟು ಪಂದ್ಯಗಳು ಡ್ರಾ ಆಗಿರಲಿಲ್ಲ). ಆದರೆ ಈ ಬಾರಿ ಜೂನ್ 15, 2026 ರಂದು ನಿಗದಿಯಾಗಿದ್ದ ಎಲ್ಲಾ 4 ಪಂದ್ಯಗಳೂ ಡ್ರಾ ಆಗುವ ಮೂಲಕ ಶೇ. 100 ರಷ್ಟು ಪಂದ್ಯಗಳು ಸಮಬಲಗೊಂಡ ವಿಶಿಷ್ಟ ದಾಖಲೆ ಸೃಷ್ಟಿಯಾಗಿದೆ. ಡ್ರಾಗೊಂಡ ಪಂದ್ಯಗಳ ವಿವರ ಈ ಕೆಳಗಿನಂತಿವೆ… ((PC: Wiki)
ಸ್ಪೇನ್ vs ಕೇಪ್ ವರ್ಡೆ (0–0): ವಿಶ್ವಕಪ್ಗೆ ಹೊಸದಾಗಿ ಪದಾರ್ಪಣೆ ಮಾಡಿರುವ ಕೇಪ್ ವರ್ಡೆ ತಂಡವು, ಬಲಿಷ್ಠ ಸ್ಪೇನ್ ತಂಡಕ್ಕೆ ಒಂದೂ ಗೋಲು ಹೊಡೆಯಲು ಬಿಡದೆ ಪಂದ್ಯವನ್ನು 0-0 ಅಂತರದಿಂದ ಸಮಬಲಗೊಳಿಸಿತು. (PC: Fifa)
ಬೆಲ್ಜಿಯಂ vs ಈಜಿಪ್ಟ್ (1–1) : ಈ ಪಂದ್ಯದ ಆರಂಭದಲ್ಲಿ ಈಜಿಪ್ಟ್ ತಂಡ ಮುನ್ನಡೆ ಸಾಧಿಸಿತ್ತಾದರೂ, ಬೆಲ್ಜಿಯಂನ ರೊಮೇಲು ಲುಕಾಕು ಮೈದಾನಕ್ಕೆ ಬಂದ ತಕ್ಷಣ ಎದುರಾಳಿ ತಂಡದ ಓನ್-ಗೋಲ್ (Own-Goal) ನೆರವಿನಿಂದ ಈ ಪಂದ್ಯವನ್ನು 1-1 ಅಂತರದಲ್ಲಿ ಡ್ರಾಗೊಳಿಸಿದೆ. (PC: Fifa)
ಸೌದಿ ಅರೇಬಿಯಾ vs ಉರುಗ್ವೆ (1–1): ತೀವ್ರ ಪೈಪೋಟಿಯಿಂದ ಕೂಡಿದ್ದ ಈ ಪಂದ್ಯದಲ್ಲಿ, ಉರುಗ್ವೆ ತಂಡದ ಮ್ಯಾಕ್ಸಿಮಿಲಿಯಾನೊ ಅರಾಜೊ 80ನೇ ನಿಮಿಷದಲ್ಲಿ ಗೋಲು ಬಾರಿಸಿ ಪಂದ್ಯವನ್ನು 1-1 ಅಂತರದಿಂದ ಸಮಬಲದಲ್ಲಿ ಕೊನೆಗೊಳಿಸಿದ್ದಾರೆ. (PC: Fifa)
ಇರಾನ್ vs ನ್ಯೂಝಿಲೆಂಡ್: ರಣರೋಚಕ ಪೈಪೋಟಿಗೆ ಸಾಕ್ಷಿಯಾಗಿದ್ದ ಈ ಪಂದ್ಯದಲ್ಲಿ ಉಭಯ ತಂಡಗಳು ತಲಾ 2 ಗೋಲುಗಳನ್ನು ಹೊಡೆಯುವ ಮೂಲಕ ಪಂದ್ಯ ಹೈ-ಸ್ಕೋರಿಂಗ್ ಪಂದ್ಯವನ್ನು ಡ್ರಾದಲ್ಲಿ ಕೊನೆಗೊಳಿಸಿದ್ದಾರೆ. (PC: Fifa)
