ಹೆಚ್ಚಿನವರು ಅಡುಗೆಮನೆಯ ಒಂದು ಮೂಲೆಯಲ್ಲಿ ಕಸದ ಬುಟ್ಟಿಯನ್ನು (dustbins) ಇಟ್ಟಿರುತ್ತಾರೆ. ಹಣ್ಣು ತರಕಾರಿಗಳ ಸಿಪ್ಪೆಗಳಿಂದ ಹಿಡಿದು ಅಳಸಿದ ಆಹಾರ, ಬಳಸಿ ಟೀ, ಕಾಫಿ ಪುಡಿ ಎಲ್ಲವನ್ನೂ ಕಸದ ಬುಟ್ಟಿಗೆ ಹಾಕಿಬಿಡುತ್ತೇವೆ. ಇವೆಲ್ಲವೂ ತೇವಯುಕ್ತವಾಗಿರುವುದರಿಂದ ಕಸದ ಬುಟ್ಟಿಯಿಂದ ವಾಸನೆ ಬರಲು ಪ್ರಾರಂಭಿಸುತ್ತದೆ ಮತ್ತು ಇದು ಕೀಟ, ನೊಣಗಳನ್ನು ಸಹ ಆಕರ್ಷಿಸುತ್ತವೆ. ಹೀಗೆ ಬರುವ ನೊಣಗಳು ಕಸದ ಬುಟ್ಟಿಯ ಸುತ್ತಾ ಸುಳಿದಾಡುತ್ತಾ ಅಲ್ಲೇ ಮೊಟ್ಟೆಯಿಟ್ಟು ಸಂತಾನೋತ್ಪತ್ತಿಯನ್ನು ಮಾಡುತ್ತವೆ. ನೊಣಗಳ ಕಾಟ ಹೆಚ್ಚಾದಂತೆ ನಮ್ಮ ಆರೋಗ್ಯವೂ ಹದಗೆಡುತ್ತಾ ಬರುತ್ತದೆ. ಆದ್ದರಿಂದ ಕಸದ ಬುಟ್ಟಿ ಬಳಿ ನೊಣಗಳು ಸುಳಿದಾಡದಂತೆ ನೋಡಿಕೊಳ್ಳುವುದು ಬಹಳ ಮುಖ್ಯ. ಈ ಸಮಸ್ಯೆಗೆ ಮುಕ್ತಿ ಪಡೆಯಲು ಹೆಚ್ಚೇನು ಖರ್ಚು ಮಾಡಬೇಕಿಲ್ಲ. ಅಡುಗೆ ಮನೆಯಲ್ಲಿ ಲಭ್ಯವಿರುವ ಲವಂಗದಿಂದ ಸುಲಭ ಪರಿಹಾರವನ್ನು ಪಡೆಯಬಹುದು. ಅದು ಹೇಗೆ ಎಂಬ ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.
ಕಸದ ಬುಟ್ಟಿಗೆ ನೊಣಗಳು ಆವರಿಸದಂತೆ ತಡೆಯಲು ಏನು ಮಾಡಬೇಕು?
ಲವಂಗ: ಕಸದ ಬುಟ್ಟಿಯಿಂದ ಬರುವ ಕೆಟ್ಟ ವಾಸನೆ ನೊಣಗಳನ್ನು ಆಕರ್ಷಿಸುತ್ತವೆ. ಹೀಗಿರುವಾಗ ಅಡುಗೆ ಮನೆಯಲ್ಲಿಯೇ ಲಭ್ಯವಿರುವ ಲವಂಗದ ಸಹಾಯದಿಂದ ಈ ಸಮಸ್ಯೆಗೆ ಪರಿಹಾರವನ್ನು ಪಡೆಯಬಹುದು. ಲವಂಗವು ಕಟುವಾದ ವಾಸನೆಯನ್ನು ಹೊಂದಿದ್ದು, ಇದು ಕೀಟ, ಸೊಳ್ಳೆಗಳನ್ನು ದೂರವಿಡುತ್ತದೆ. ಹೀಗಿರುವಾಗ ನೀವು ನಾಲ್ಕರಿಂದ ಐದು ಲವಂಗವನ್ನು ತೆಗೆದುಕೊಂಡು ಅದನ್ನು ಕಸದ ಬುಟ್ಟಿಯ ಮೇಲೆ ಇಡುವುದರಿಂದ ನೊಣಗಳು ಬರುವುದನ್ನು ತಡೆಯಬಹುದು. ಇದಲ್ಲದೆ ನೀವು ಕಸದ ಬುಟ್ಟಿಯ ಅಡಿಯಲ್ಲೂ ಲವಂಗವನ್ನು ಇಡಬಹುದು. ಇದು ನೊಣಗಳು ಕಸದ ಬುಟ್ಟಿ ಬಳಿ ಸುಳಿದಾಡದಂತೆ ನೋಡಿಕೊಳ್ಳಲು ತುಂಬಾನೇ ಸಹಕಾರಿ.
ಇದನ್ನೂ ಓದಿ: ಡಬ್ಬಗಳಲ್ಲಿ ಶೇಖರಿಸಿಡುವ ಅಕ್ಕಿಯಲ್ಲಿ ಹುಳಗಳಾಗಂತೆ ತಡೆಯಲು ಈ ಸಿಂಪಲ್ ಟಿಪ್ಸ್ ಪಾಲಿಸಿ
ಲವಂಗದ ಎಣ್ಣೆ: ಇದಲ್ಲದೆ ಸ್ಪ್ರೇ ಬಾಟಲಿಯಲ್ಲಿ ಲವಂಗ ಎಣ್ಣೆಯನ್ನು ತುಂಬಿಸಿ ಮತ್ತು ಅದನ್ನು ಕಾಲಕಾಲಕ್ಕೆ ಕಸದ ಬುಟ್ಟಿಯ ಒಳಗೆ ಮತ್ತು ಹೊರಗೆ ಮತ್ತು ಕಸದ ಬುಟ್ಟಿಯ ಸುತ್ತಲೂ ಸಿಂಪಡಿಸಿ. ಇದು ನೊಣಗಳು ಸುಳಿದಾಡುವುದನ್ನು ತಡೆಯುವುದು ಮಾತ್ರವಲ್ಲ ಕಸದ ಬುಟ್ಟಿ ವಾಸನೆ ಬರುವುದನ್ನು ಸಹ ತಡೆಯುತ್ತದೆ.
ನಿಂಬೆ ಮತ್ತು ಲವಂಗ: ನಿಂಬೆಹಣ್ಣನ್ನು ಅರ್ಧದಷ್ಟು ಕತ್ತರಿಸಿ ಅದರೊಳಗೆ 7-8 ಲವಂಗ ಹಾಕಿ. ಅದನ್ನು ಕಸದ ಬುಟ್ಟಿಯ ಮೇಲೆ ಅಥವಾ ಪಕ್ಕದಲ್ಲಿಯೇ ಇಟ್ಟು ಬಿಡಿ. ಇವೆರಡರ ನೈಸರ್ಗಿಕ ಪರಿಮಳವು ನೊಣಗಳನ್ನು ದೂರವಿಡುತ್ತದೆ.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
