ಆಕಾಶದಲ್ಲಿ ಹಾರಾಡುವ ವಿಮಾನವನ್ನು (plane) ನಾವು ನೀವುಗಳು ಒಮ್ಮೆಯಾದ್ರು ವಿಮಾನದಲ್ಲಿ ಹೋಗಬೇಕು ಅಂದುಕೊಳ್ಳುತ್ತೇವೆ. ಆ ಕ್ಷಣ ಬಂತೆಂದರೆ ಅದನ್ನು ವಿವರಿಸಲು ಪದಗಳು ಸಾಕಾಗಲ್ಲ. ಇದೀಗ ಮೊಮ್ಮಗನೊಬ್ಬ ಹಿರಿಜೀವಗಳ ಆಸೆಯನ್ನು ಈಡೇರಿಸಿದ್ದಾನೆ. ಅಜ್ಜ ಅಜ್ಜಿಯನ್ನು (Grand parents) ವಿಮಾನ ಹತ್ತಿಸಿ ದುಬೈಗೆ ಕರೆದುಕೊಂಡು ಹೋಗಿ ಸುತ್ತಿಸಿದ್ದಾನೆ. ಈ ಹೃದಯಸ್ಪರ್ಶಿ ವಿಡಿಯೋ ವೈರಲ್ ಆಗಿದ್ದು ನೆಟ್ಟಿಗರ ಹೃದಯ ಗೆದ್ದಿದೆ.
ಅಂಕಿತ್ ಬಿಗ್ ಮೌತ್ (ankitranabigmouth) ಹೆಸರಿನ ಇನ್ಸ್ಟಾಗ್ರಾಮ್ ವಿಡಿಯೋ ಹಂಚಿಕೊಂಡಿದ್ದಾನೆ. ತನ್ನ ಮುದ್ದಿನ ಅಜ್ಜ ಅಜ್ಜಿಯನ್ನು ಮೊದಲ ಬಾರಿಗೆ ವಿಮಾನ ಹತ್ತಿಸಿದ್ದಾನೆ. ಈ ವಿಡಿಯೋಗೆ ದಾದಿ ಜೀಯ ಮೊದಲ ವಿಮಾನ ಪ್ರಯಾಣ ಎಂಬ ಶೀರ್ಷಿಕೆ ನೀಡಲಾಗಿದೆ.
ವೈರಲ್ ವಿಡಿಯೋ ಇಲ್ಲಿದೆ
ಈ ಕ್ಲಿಪಿಂಗ್ ನಲ್ಲಿ ಅಜ್ಜ ಅಜ್ಜಿಯನ್ನು ವಿಮಾನ ನಿಲ್ದಾಣಕ್ಕೆ ಕರೆದುಕೊಂಡು ಬಂದಿರುವುದನ್ನು ಕಾಣಬಹುದು. ಮೊಮ್ಮಗನ ಜೊತೆ ವಿಮಾನದಲ್ಲಿ ಏರ್ಪೋರ್ಟ್ಗೆ ತೆರಳಿ ಅಲ್ಲಿಂದ ದುಬೈಗೆ ವಿಮಾನ ಪ್ರಯಾಣಿಸಿದ್ದಾರೆ. ಈ ಹಿರಿಜೀವಗಳು ತಮ್ಮ ಜೀವನದಲ್ಲಿ ಮೊದಲ ಬಾರಿಗೆ ಎತ್ತರದ ಕಟ್ಟಡಗಳು, ವಿಮಾನ ಪ್ರಯಾಣ, ದೊಡ್ಡ ಹೋಟೆಲ್ಗಳು ಮತ್ತು ಈಜುಕೊಳಗಳನ್ನು ನೋಡಿದ್ದಾರೆ. ಇವೆಲ್ಲವನ್ನೂ ನೋಡಿ ಅಕ್ಷರಶಃ ಮೂಕರಾಗಿದ್ದಾರೆ. ಅಜ್ಜ ಅಜ್ಜಿಯ ಪ್ರತಿಕ್ರಿಯೆ ಹಾಗೂ ದುಬೈನಲ್ಲಿ ಕಳೆದ ಸುಂದರ ಕ್ಷಣಗಳನ್ನು ತನ್ನ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾನೆ.
ಇದನ್ನೂ ಓದಿ: ಊರುಗೋಲನ್ನೇ ಕುಳಿತುಕೊಳ್ಳುವ ಆಸನವನ್ನಾಗಿ ಮಾಡಿಕೊಂಡ ವೃದ್ಧ
ಈ ವಿಡಿಯೋ 3 ಮಿಲಿಯನ್ ಗೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಹಿರಿಜೀವಗಳ ಕನಸನ್ನು ನನಸು ಮಾಡಿದ ಮೊಮ್ಮಗ ಎಂದಿದ್ದಾರೆ. ಇನ್ನೊಬ್ಬರು, ಮುಗ್ಧ ಜೀವಗಳಿಗೆ ಹೊಸ ಲೋಕದ ಅನಾವರಣ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಮತ್ತೆ ಮತ್ತೆ ನೋಡಬೇಕೆನಿಸುವ ದೃಶ್ಯ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
