ಲಕ್ನೋ, ಆಗಸ್ಟ್ 8: 4,700 ಕೋಟಿ ವೆಚ್ಚದಲ್ಲಿ ನಿರ್ಮಿಸಿದ್ದ ಲಕ್ನೋ-ಕಾನ್ಪುರ ಎಕ್ಸ್ಪ್ರೆಸ್ವೇ ಕಾಮಗಾರಿ ಪೂರ್ಣಗೊಂಡ ಕೆಲವೇ ದಿನಗಳಲ್ಲಿ ಹಾಳಾಗಿದೆ. ಉತ್ತರ ಪ್ರದೇಶದ 4,700 ಕೋಟಿ ವೆಚ್ಚದ ಲಕ್ನೋ-ಕಾನ್ಪುರ ಎಕ್ಸ್ಪ್ರೆಸ್ವೇ ಕಾಮಗಾರಿ ಮುಗಿದು ಕೆಲವೇ ದಿನಗಳಲ್ಲಿ ಮಳೆಯಿಂದಾಗಿ (Rain Effect) 200 ಮೀಟರ್ ಭಾಗ ಕುಸಿದಿದೆ. ರಸ್ತೆಗೆ ಪ್ಯಾಚ್ವರ್ಕ್ ಹಾಕಲು ಆ ಸ್ಥಳದಲ್ಲಿ ನೀರನ್ನು ಒಣಗಿಸಲು 10 ಫ್ಯಾನ್ಗಳನ್ನು ಇಡಲಾಗಿದ್ದು, ಈ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
4,700 ಕೋಟಿ ವೆಚ್ಚದ ಕಾನ್ಪುರ-ಲಕ್ನೋ ಎಕ್ಸ್ಪ್ರೆಸ್ವೇ ಸಾರ್ವಜನಿಕ ಸಂಚಾರಕ್ಕೆ ಮುಕ್ತವಾಗಿ ಮೂರು ವಾರಗಳು ಕಳೆಯುವುದರೊಳಗಾಗಿ, ಅದರ ಹಲವು ಭಾಗಗಳು ತೀವ್ರವಾಗಿ ಹಾನಿಗೊಳಗಾಗಿ ಬಿರುಕು ಬಿಟ್ಟಿದ್ದವು. ಇದರಿಂದಾಗಿ ಅಧಿಕಾರಿಗಳು ಹಾನಿಗೊಳಗಾದ ರಸ್ತೆಗಳನ್ನು ಅಗೆದು ಮತ್ತೆ ನಿರ್ಮಿಸುವಂತಾಯಿತು. ಎಕ್ಸ್ಪ್ರೆಸ್ವೇನಲ್ಲಿ ಪದೇ ಪದೇ ಕಂಡುಬಂದ ಕಳಪೆ ಗುಣಮಟ್ಟದ ಸಮಸ್ಯೆಗಳ ಹಿನ್ನೆಲೆಯಲ್ಲಿ ಎನ್ಎಚ್ಎಐ ಸಂಸ್ಥೆಯ ವಿರುದ್ಧ ಕ್ರಮ ಕೈಗೊಂಡಿದ್ದು, ಅದನ್ನು “ಕಳಪೆ ಕಾಮಗಾರಿಯ ಸಂಸ್ಥೆ” ಎಂದು ಘೋಷಿಸಿದೆ ಹಾಗೂ ಕಪ್ಪುಪಟ್ಟಿಗೆ ಸೇರಿಸುವ ಪ್ರಕ್ರಿಯೆಯೂ ಪ್ರಗತಿಯಲ್ಲಿದೆ ಎನ್ನಲಾಗಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
