ಫಿಫಾ ವಿಶ್ವಕಪ್ 2026ರ ರೌಂಡ್ ಆಫ್ 16 ಪಂದ್ಯಗಳು ಮುಕ್ತಾಯಗೊಂಡಿದ್ದು, ಫುಟ್ಬಾಲ್ ಜಗತ್ತಿನ 8 ಬಲಿಷ್ಠ ತಂಡಗಳು ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇಟ್ಟಿವೆ. ಫ್ರಾನ್ಸ್, ಮೊರಾಕೊ, ಸ್ಪೇನ್, ಬೆಲ್ಜಿಯಂ, ನಾರ್ವೆ, ಇಂಗ್ಲೆಂಡ್, ಅರ್ಜೆಂಟೀನಾ ಮತ್ತು ಸ್ವಿಟ್ಜರ್ಲೆಂಡ್ ತಂಡಗಳು ಮುಂದಿನ ಸುತ್ತಿನಲ್ಲಿ ಕಾದಾಡಲಿವೆ. ಈ ರೋಚಕ ಕ್ವಾರ್ಟರ್ ಫೈನಲ್ ಪಂದ್ಯಗಳು ಜುಲೈ 9 ರಿಂದ ಜುಲೈ 11 ರವರೆಗೆ ನಡೆಯಲಿದ್ದು, ಈ ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ ಈ ಕೆಳಗಿನಂತಿದೆ.
ಕ್ವಾರ್ಟರ್ ಫೈನಲ್ ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ:
| ಪಂದ್ಯದ ಸಂಖ್ಯೆ | ಮುಖಾಮುಖಿ | ದಿನಾಂಕ ಮತ್ತು ಸಮಯ (IST) | ಕ್ರೀಡಾಂಗಣ (ಸ್ಥಳ) |
|---|---|---|---|
| ಪಂದ್ಯ 97 | ಫ್ರಾನ್ಸ್ vs ಮೊರಾಕೊ | ಜುಲೈ 10, ಶುಕ್ರವಾರ – 1:30 AM | ಬೋಸ್ಟನ್ ಸ್ಟೇಡಿಯಂ, ಮ್ಯಾಸಚೂಸೆಟ್ಸ್ |
| ಪಂದ್ಯ 98 | ಸ್ಪೇನ್ vs ಬೆಲ್ಜಿಯಂ | ಜುಲೈ 11, ಶನಿವಾರ – 12:30 AM | ಲಾಸ್ ಏಂಜಲೀಸ್ ಸ್ಟೇಡಿಯಂ, ಕ್ಯಾಲಿಫೋರ್ನಿಯಾ |
| ಪಂದ್ಯ 99 | ನಾರ್ವೆ vs ಇಂಗ್ಲೆಂಡ್ | ಜುಲೈ 12, ಭಾನುವಾರ – 2:30 AM | ಮಿಯಾಮಿ ಸ್ಟೇಡಿಯಂ, ಫ್ಲೋರಿಡಾ |
| ಪಂದ್ಯ 100 | ಅರ್ಜೆಂಟೀನಾ vs ಸ್ವಿಟ್ಜರ್ಲೆಂಡ್ | ಜುಲೈ 12, ಭಾನುವಾರ – 6:30 AM | ಕಾನ್ಸಾಸ್ ಸಿಟಿ ಸ್ಟೇಡಿಯಂ, ಮಿಸೌರಿ |
ಸೆಮಿಫೈನಲ್ ಲೆಕ್ಕಾಚಾರ ಹೇಗಿದೆ?
- ಸೆಮಿಫೈನಲ್ 1: ಫ್ರಾನ್ಸ್ ಮತ್ತು ಮೊರಾಕೊ ಪಂದ್ಯದ ವಿಜೇತರು, ಸ್ಪೇನ್ ಮತ್ತು ಬೆಲ್ಜಿಯಂ ಪಂದ್ಯದ ವಿಜೇತರನ್ನು ಜುಲೈ 14 ರಂದು ಎದುರಿಸಲಿದ್ದಾರೆ.
- ಸೆಮಿಫೈನಲ್ 2: ನಾರ್ವೆ ಮತ್ತು ಇಂಗ್ಲೆಂಡ್ ಪಂದ್ಯದ ವಿಜೇತರು, ಲಿಯೋನೆಲ್ ಮೆಸ್ಸಿ ನಾಯಕತ್ವದ ಅರ್ಜೆಂಟೀನಾ ಮತ್ತು ಸ್ವಿಟ್ಜರ್ಲೆಂಡ್ ಪಂದ್ಯದ ವಿಜೇತರನ್ನು ಜುಲೈ 15 ರಂದು ಎದುರಿಸಲಿದ್ದಾರೆ.
40 ತಂಡಗಳು ಔಟ್:
48 ತಂಡಗಳೊಂದಿಗೆ ಶುರುವಾದ ಫಿಫಾ ವಿಶ್ವಕಪ್ನಲ್ಲಿ ಈಗ ಉಳಿದಿರುವುದು 8 ತಂಡಗಳು ಮಾತ್ರ. ಇನ್ನುಳಿದ ನಲ್ವತ್ತು ಟೀಮ್ಗಳ ವಿಶ್ವಕಪ್ ಕನಸು ಕಮರಿದೆ. ಹೀಗೆ ಪ್ರತಿ ಹಂತದಲ್ಲಿ ಹೊರಬಿದ್ದ ತಂಡಗಳ ಪಟ್ಟಿ ಈ ಕೆಳಗಿನಂತಿದೆ.
- ರೌಂಡ್ ಆಫ್ 16 ಹಂತದಲ್ಲಿ ಹೊರಬಿದ್ದ ತಂಡಗಳು (8 ತಂಡಗಳು: ಕೆನಡಾ, ಪರಾಗ್ವೆ, ಬ್ರೆಝಿಲ್, ಮೆಕ್ಸಿಕೋ, ಪೋರ್ಚುಗಲ್, ಅಮೆರಿಕ, ಈಜಿಪ್ಟ್, ಕೊಲಂಬಿಯಾ.
- ರೌಂಡ್ ಆಫ್ 32 ಹಂತದಲ್ಲಿ ಹೊರಬಿದ್ದ ತಂಡಗಳು (16 ತಂಡಗಳು): ಸೌತ್ ಆಫ್ರಿಕಾ, ಜರ್ಮನಿ, ನೆದರ್ಲ್ಯಾಂಡ್ಸ್ , ಐವರಿ ಕೋಸ್ಟ್, ಆಸ್ಟ್ರೇಲಿಯಾ, ಸ್ವೀಡನ್, ಈಕ್ವಡಾರ್, ಡಿಆರ್ ಕಾಂಗೋ, ಸೆನೆಗಲ್, ಬೋಸ್ನಿಯಾ ಅ್ಯಂಡ್ ಹೆರ್ಜೆಗೋವಿನಾ, ಆಸ್ಟ್ರಿಯಾ, ಕ್ರೊಯೇಷಿಯಾ, ಅಲ್ಜೀರಿಯಾ, ಕೇಪ್ ವರ್ಡೆ, ಘಾನಾ, ಉಝ್ಬೇಕಿಸ್ತಾನ್.
- ಲೀಗ್ ಹಂತದಲ್ಲೇ ಹೊರಬಿದ್ದ ತಂಡಗಳು (16 ತಂಡಗಳು): ಸೌತ್ ಕೊರಿಯಾ, ಚೆಕಿಯಾ, ಖತಾರ್, ಸ್ಕಾಟ್ಲೆಂಡ್ , ಹೈಟಿ, ಟರ್ಕಿ, ಕುರಾಸಾವೊ, ಟುನೀಶಿಯಾ, ಇರಾನ್ , ನ್ಯೂಝಿಲೆಂಡ್, ಉರುಗ್ವೆ, ಸೌದಿ ಅರೇಬಿಯಾ, ಇರಾಕ್, ಜೋರ್ಡನ್ , ಪನಾಮ, ಜಪಾನ್.
ಇದನ್ನೂ ಓದಿ: ಟಿ20 ಇತಿಹಾಸದಲ್ಲೇ ಹೀನಾಯವಾಗಿ ಸೋತ ಟೀಮ್ ಇಂಡಿಯಾ
ಫೈನಲ್ ಪಂದ್ಯ ಯಾವಾಗ?
2026ರ ಫಿಫಾ ವಿಶ್ವಕಪ್ನ ಮಹಾ ಫೈನಲ್ ಪಂದ್ಯವು ಭಾರತೀಯ ಕಾಲಮಾನದ ಪ್ರಕಾರ ಜುಲೈ 20, ಸೋಮವಾರದಂದು ಮಧ್ಯರಾತ್ರಿ 12:30 ಗಂಟೆಗೆ (ಭಾನುವಾರ ತಡರಾತ್ರಿ) ನಡೆಯಲಿದೆ.
