ಭಾರತೀಯ ಕ್ರಿಕೆಟ್ ಆಟಗಾರ ರೋಹಿತ್ ಶರ್ಮಾ ಈಗ ಕಿರುತೆರೆ ಲೋಕಕ್ಕೆ ಕಾಲಿಡಲು ಸಿದ್ಧರಾಗಿದ್ದಾರೆ. ಕ್ರಿಕೆಟ್ ಮೈದಾನದಲ್ಲಿ ಮಿಂಚಿದ್ದ ಅವರು ಈಗ ಹೊಸ ಮನರಂಜನಾ ಶೋ ಮೂಲಕ ಅಭಿಮಾನಿಗಳ ಮುಂದೆ ಬರಲಿದ್ದಾರೆ. ಸೋನಿ ನೆಟ್ವರ್ಕ್ ಮುಂಬರುವ ಶೋ ಪಟ್ಟಿಯನ್ನು ಪ್ರಕಟಿಸಿದ್ದು, ಇದರಲ್ಲಿ ರೋಹಿತ್ ಶರ್ಮಾ ಅವರ ಶೋ ಪ್ರಮುಖ ಆಕರ್ಷಣೆಯಾಗಿದೆ. ಅವರ ಶೋ ಯಾವ ರೀತಿ ಇರಲಿದೆ ಎಂಬ ಕುತೂಹಲ ಮೂಡಿದೆ.
ರೋಹಿತ್ ಶರ್ಮಾ ಮನರಂಜನಾ ಶೋ
ರೋಹಿತ್ ಶರ್ಮಾ ಅವರ ಹೊಸ ಶೋ ಬಗ್ಗೆ ಟೀಸರ್ ಈಗಾಗಲೇ ಬಿಡುಗಡೆಯಾಗಿದೆ. ಈ ಶೋ ಅತ್ಯಂತ ತಮಾಷೆಯಾಗಿರಲಿದೆ ಎಂದು ವರದಿಯಾಗಿದೆ. ಟೀಸರ್ನಲ್ಲಿ ಅಭಿಮಾನಿಗಳು ರೋಹಿತ್ ಅವರ ‘ಕೋಯಿ ಬಿ ಗಾರ್ಡನ್ ಮೇ ನಹಿ ಘುಮೇಗಾ’ ಎಂಬ ಪ್ರಸಿದ್ಧ ಸಂಭಾಷಣೆಯನ್ನು ಹೇಳುವಂತೆ ಕೇಳುತ್ತಾರೆ. ಇದರಿಂದ ರೋಹಿತ್ ಕೋಪಗೊಳ್ಳುವ ದೃಶ್ಯ ವೈರಲ್ ಆಗಿದೆ. ಶೋ ಬಗ್ಗೆ ಹೆಚ್ಚಿನ ವಿವರಗಳನ್ನು ಸೀಕ್ರೆಟ್ ಆಗಿಯೇ ಇಡಲಾಗಿದೆ.
ಅಜಯ್ ದೇವಗನ್ ಮತ್ತು ಮಾಧುರಿ ದೀಕ್ಷಿತ್
ಸೋನಿ ಸಂಸ್ಥೆಯು ‘ಕ್ರೈಮ್ ಪೆಟ್ರೋಲ್ 2026’ ಶೋಗೆ ನಟ ಅಜಯ್ ದೇವಗನ್ ಅವರನ್ನು ನಿರೂಪಕರನ್ನಾಗಿ ಆಯ್ಕೆ ಮಾಡಿದೆ. ಈ ಕಾರ್ಯಕ್ರಮವು ನೈಜ ಅಪರಾಧ ಕಥೆಗಳನ್ನು ಆಧರಿಸಿದೆ. ಇನ್ನು ಮರಾಠಿ ಭಾಷೆಯ ‘ಕೋನ್ ಹೊಣಾರ್ ಕರೋಡ್ಪತಿ’ ಶೋಗೆ ನಟಿ ಮಾಧುರಿ ದೀಕ್ಷಿತ್ ನಿರೂಪಣೆ ಮಾಡಲಿದ್ದಾರೆ. ಇವರ ಜೊತೆಗೆ ‘ಕೆಬಿಸಿ ಸೀಸನ್ 18’ ಕೂಡ ಆರಂಭವಾಗುತ್ತಿದೆ. ಇದಕ್ಕೆ ಬಿಗ್ ಬಿ ನಿರೂಪಕ.
Ho jaiye taiyaar kyunki aa chuka hai entertainment ka sabse bada season. 📷Action se leke Emotions tak, yeh hai India ke har flavour ka one destination! 📷 – Sony Pictures Network India!@imVkohli @SrBachchan @ajaydevgn @ImRo45 @MadhuriDixit @Jaspritbumrah93 @Samanthaprabhu2 pic.twitter.com/54cic0zL6p
— Sony LIV (@SonyLIV) August 10, 2026
ದಕ್ಷಿಣ ಭಾರತೀಯ ಶೋಗಳು
ದಕ್ಷಿಣ ಭಾರತದ ವೀಕ್ಷಕರಿಗಾಗಿ ವಿಶೇಷ ಶೋಗಳನ್ನು ರೂಪಿಸಲಾಗಿದೆ. ‘ಮಾಸ್ಟರ್ ಚೆಫ್ ತಮಿಳು’ ಶೋನಲ್ಲಿ ನಟಿ ಸಮಂತಾ ರುತ್ ಪ್ರಭು ಕಾಣಿಸಿಕೊಳ್ಳಲಿದ್ದಾರೆ. ತಮಿಳು ಐಡಲ್ ಸಂಗೀತ ಕಾರ್ಯಕ್ರಮಕ್ಕೆ ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್. ರೆಹಮಾನ್ ತೀರ್ಪುಗಾರರಾಗಿರಲಿದ್ದಾರೆ. ಭಾರತೀಯ ಗೇಮ್ ಶೋಗೆ ಭಾರತಿ ಸಿಂಗ್ ನಿರೂಪಣೆ ಮಾಡಲಿದ್ದಾರೆ. ‘ಸ್ಕ್ಯಾಮ್ 2010’ ವೆಬ್ ಸೀರೀಸ್ ಕೂಡ ಸೋನಿ ಲಿವ್ನಲ್ಲಿ ಬಿಡುಗಡೆಯಾಗಲಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
