FIFA World Cup 2026: ಫಿಫಾ ವಿಶ್ವಕಪ್ನ ರೌಂಡ್ ಆಫ್-32 ಹಂತದ ಪಂದ್ಯಗಳು ಮುಗಿದಿವೆ. 32 ತಂಡಗಳ ನಡುವಣ ಈ ನಾಕೌಟ್ ಕದನದಲ್ಲಿ ಗೆದ್ದ 16 ತಂಡಗಳು ಮುಂದಿನ ಹಂತಕ್ಕೇರಿದೆ. ಈ ಹದಿನಾರು ತಂಡಗಳು ನಡುವೆ ಪ್ರಿ-ಕ್ವಾರ್ಟರ್ ಫೈನಲ್ ಪಂದ್ಯಗಳು ನಡೆಯಲಿದ್ದು, ಇದರಲ್ಲಿ ಗೆಲ್ಲುವ 8 ತಂಡಗಳು ಕ್ವಾರ್ಟರ್ ಫೈನಲ್ಗೆ ಅರ್ಹತೆ ಪಡೆಯಲಿದೆ.
ಪ್ರಿ-ಕ್ವಾರ್ಟರ್ ಫೈನಲ್ ಪಂದ್ಯಗಳು ಜುಲೈ 4 ರಿಂದ ಶುರುವಾಗಲಿದ್ದು, ಜುಲೈ 8 ರವರೆಗೆ ನಡೆಯಲಿದೆ. ವಿಶೇಷವೆಂದರೆ ಈ ಬಾರಿ ಟೂರ್ನಿಗೆ ಆತಿಥ್ಯ ವಹಿಸಿರುವ ಮೂರೂ ದೇಶಗಳಾದ ಅಮೆರಿಕ, ಮೆಕ್ಸಿಕೋ ಮತ್ತು ಕೆನಡಾ ತಂಡಗಳು ಪ್ರಿ-ಕ್ವಾರ್ಟರ್ ಫೈನಲ್ಗೆ ಅರ್ಹತೆ ಪಡೆದು ಇತಿಹಾಸ ಸೃಷ್ಟಿಸಿವೆ.
ಹಾಗೆಯೇ ಹಾಲಿ ಚಾಂಪಿಯನ್ ಅರ್ಜೆಂಟೀನಾ, ಬ್ರೆಝಿಲ್, ಫ್ರಾನ್ಸ್ ಮತ್ತು ಇಂಗ್ಲೆಂಡ್ನಂತಹ ಬಲಿಷ್ಠ ತಂಡಗಳು ಕೂಡ ಪ್ರಿ-ಕ್ವಾರ್ಟರ್ ನಾಕೌಟ್ನಲ್ಲಿ ಕಣಕ್ಕಿಳಿಯಲಿವೆ. ಆದರೆ, ಜರ್ಮನಿ ಮತ್ತು ನೆದರ್ಲ್ಯಾಂಡ್ಸ್ನಂತಹ ಬಲಾಢ್ಯ ಪಡೆಗಳು ರೌಂಡ್ ಆಫ್ 32 ಹಂತದಲ್ಲೇ ಸೋತು ಟೂರ್ನಿಯಿಂದ ಹೊರಬಿದ್ದಿದ್ದು, ಹೀಗಾಗಿ ಈ ಎರಡು ತಂಡಗಳು ಮುಂದಿನ ಸುತ್ತಿನಲ್ಲಿ ಕಾಣಿಸಿಕೊಳ್ಳುವುದಿಲ್ಲ. ಅದರಂತೆ ಪ್ರಿ-ಕ್ವಾರ್ಟರ್ ಫೈನಲ್ ಪಂದ್ಯಗಳ ವೇಳಾಪಟ್ಟಿ ಈ ಕೆಳಗಿನಂತಿದೆ…
ಪ್ರಿ-ಕ್ವಾರ್ಟರ್ ಫೈನಲ್ (ರೌಂಡ್ ಆಫ್ 16) ವೇಳಾಪಟ್ಟಿ:
| ಪಂದ್ಯ | ದಿನಾಂಕ (IST) | ಸಮಯ (ಭಾರತೀಯ ಕಾಲಮಾನ) | ಕ್ರೀಡಾಂಗಣ ಮತ್ತು ಸ್ಥಳ |
|---|---|---|---|
| ಕೆನಡಾ vs ಮೊರಾಕೊ | ಜುಲೈ 4 | 10:30 PM | ಹೂಸ್ಟನ್ ಸ್ಟೇಡಿಯಂ, ಟೆಕ್ಸಾಸ್ |
| ಪರಾಗ್ವೆ vs ಫ್ರಾನ್ಸ್ | ಜುಲೈ 5 | 2:30 AM | ಫಿಲಡೆಲ್ಫಿಯಾ ಸ್ಟೇಡಿಯಂ, ಪೆನ್ಸಿಲ್ವೇನಿಯಾ |
| ಬ್ರೆಜಿಲ್ vs ನಾರ್ವೆ | ಜುಲೈ 6 | 1:30 AM | ನ್ಯೂಯಾರ್ಕ್ ನ್ಯೂಜೆರ್ಸಿ ಸ್ಟೇಡಿಯಂ |
| ಮೆಕ್ಸಿಕೋ vs ಇಂಗ್ಲೆಂಡ್ | ಜುಲೈ 6 | 5:30 AM | ಮೆಕ್ಸಿಕೋ ಸಿಟಿ ಸ್ಟೇಡಿಯಂ, ಮೆಕ್ಸಿಕೋ |
| ಪೋರ್ಚುಗಲ್ vs ಸ್ಪೇನ್ | ಜುಲೈ 7 | 12:30 AM | ಡಲ್ಲಾಸ್ ಸ್ಟೇಡಿಯಂ, ಟೆಕ್ಸಾಸ್ |
| ಅಮೆರಿಕ vs ಬೆಲ್ಜಿಯಂ | ಜುಲೈ 7 | 5:30 AM | ಸಿಯಾಟಲ್ ಸ್ಟೇಡಿಯಂ, ವಾಷಿಂಗ್ಟನ್ |
| ಅರ್ಜೆಂಟೀನಾ vs ಈಜಿಪ್ಟ್ | ಜುಲೈ 7 | 9:30 PM | ಅಟ್ಲಾಂಟಾ ಸ್ಟೇಡಿಯಂ, ಜಾರ್ಜಿಯಾ |
| ಸ್ವಿಟ್ಜರ್ಲೆಂಡ್ vs ಕೊಲಂಬಿಯಾ | ಜುಲೈ 8 | 1:30 AM | ಬಿಸಿ ಪ್ಲೇಸ್ ವ್ಯಾಂಕೋವರ್, ಕೆನಡಾ |
ಪ್ರಿ-ಕ್ವಾರ್ಟರ್ ಫೈನಲ್ ಹಂತದ ನಿಯಮಗಳು:
ಪ್ರಿ-ಕ್ವಾರ್ಟರ್ ಫೈನಲ್ ಎಂಬುದು ನೇರ ನಾಕೌಟ್ ಹಂತವಾಗಿರುವುದರಿಂದ ಇಲ್ಲಿ ಯಾವುದೇ ಪಂದ್ಯಗಳು ಡ್ರಾ ಆಗುವಂತಿಲ್ಲ. ಅಂದರೆ ನಿಗದಿತ 90 ನಿಮಿಷಗಳ ಆಟದ ನಂತರ ಎರಡೂ ತಂಡಗಳು ಸಮಬಲ ಸಾಧಿಸಿದರೆ, 30 ನಿಮಿಷಗಳ ಹೆಚ್ಚುವರಿ ಸಮಯವನ್ನು ನೀಡಲಾಗುತ್ತದೆ. ಈ ಹೆಚ್ಚುವರಿ ನಿಮಿಷದಲ್ಲೂ ಫಲಿತಾಂಶ ಬರದಿದ್ದರೆ, ಪೆನಾಲ್ಟಿ ಶೂಟೌಟ್ ಮೂಲಕ ವಿಜೇತರನ್ನು ನಿರ್ಧರಿಸಲಾಗುತ್ತದೆ.
ಇದನ್ನೂ ಓದಿ: ಎಂಬಾಪೆ ಪರಾಕ್ರಮಕ್ಕೆ ಮೆಸ್ಸಿಯ ವಿಶ್ವ ದಾಖಲೆ ಶೇಕಿಂಗ್!
ಹೀಗೆ ಗೆದ್ದ ತಂಡಗಳು ಕ್ವಾರ್ಟರ್ ಫೈನಲ್ಗೆ ಅರ್ಹತೆ ಪಡೆಯಲಿದೆ. ಅಂದರೆ ಪ್ರಿ-ಕ್ವಾರ್ಟರ್ ಫೈನಲ್ನಲ್ಲಿ ಕಣಕ್ಕಿಳಿಯಲಿರುವ 16 ತಂಡಗಳಲ್ಲಿ 8 ತಂಡಗಳು ಮುಂದಿನ ಹಂತಕ್ಕೇರಲಿದೆ. ಇನ್ನು ಕ್ವಾರ್ಟರ್ ಫೈನಲ್ನಲ್ಲಿ ಕಣಕ್ಕಿಳಿಯಲಿರುವ 8 ತಂಡಗಳಲ್ಲಿ 4 ಟೀಮ್ಗಳು ಸೆಮಿಫೈನಲ್ಗೆ ಅರ್ಹತೆ ಪಡೆಯಲಿದೆ. ಸೆಮಿಫೈನಲ್ನಲ್ಲಿ ಗೆಲ್ಲುವ ತಂಡಗಳು ಫೈನಲ್ಗೆ ಪ್ರವೇಶಿಸಲಿದೆ. ಹೀಗಾಗಿ ಪ್ರಿ-ಕ್ವಾರ್ಟರ್ ಫೈನಲ್ ಪಂದ್ಯಗಳಿಂದಲೇ ಜಿದ್ದಾಜಿದ್ದಿನ ಪೈಪೋಟಿ ನಿರೀಕ್ಷಿಸಬಹುದು.
ವಿಶ್ವಕಪ್ನಿಂದ ಹೊರಬಿದ್ದ ತಂಡಗಳು:
- ಜೆಕಿಯಾ
- ಸೌತ್ ಕೊರಿಯಾ
- ಖತಾರ್
- ಹೈಟಿ
- ಸ್ಕಾಟ್ಲ್ಯಾಂಡ್
- ಟರ್ಕಿ
- ಕುರಾಸಾವೊ
- ಟುನೀಶಿಯಾ
- ನ್ಯೂಝಿಲ್ಯಾಂಡ್
- ಸೌದಿ ಅರೇಬಿಯಾ
- ಉರುಗ್ವೆ
- ಇರಾನ್
- ಇರಾಕ್
- ಜೋರ್ಡನ್
- ಉಜ್ಬೇಕಿಸ್ತಾನ್
- ಪನಾಮಾ
- ಜರ್ಮನಿ
- ನೆದರ್ಲ್ಯಾಂಡ್ಸ್ದ
- ಸೌತ್ ಆಫ್ರಿಕಾ
- ಜಪಾನ್
- ಐವರಿ ಕೋಸ್ಟ್
- ಸ್ವೀಡನ್
- ಈಕ್ವೆಡಾರ್
- ಡಿಆರ್ ಕಾಂಗೋ
- ಸೆನೆಗಲ್
- ಬೋಸ್ನಿಯಾ-ಹೆರ್ಜೆಗೋವಿನಾ
- ಆಸ್ಟ್ರಿಯಾ
- ಕ್ರೊಯೇಷಿಯಾ
- ಅಲ್ಜೀರಿಯಾ
- ಆಸ್ಟ್ರೇಲಿಯಾ
- ಘಾನಾ
- ಕೇಪ್ ವರ್ಡೆ.
48 ತಂಡಗಳೊಂದಿಗೆ ಶುರುವಾದ ಫಿಫಾ ವಿಶ್ವಕಪ್ನಲ್ಲಿ ಈಗ ಉಳಿದಿರುವುದು ಕೇವಲ 16 ತಂಡಗಳು ಮಾತ್ರ. ಈ ಹದಿನಾರು ತಂಡಗಳಲ್ಲಿ ಈ ಬಾರಿ ಕಪ್ ಗೆಲ್ಲೋರು ಯಾರು ಎಂಬುದು ಜುಲೈ 19 ರಂದು ಗೊತ್ತಾಗಲಿದೆ.
