ಬ್ಯಾಂಕ್, ಸಿಮ್ ಕಾರ್ಡ್ ಖರೀದಿ, ಸರ್ಕಾರದ ಸೌಲಭ್ಯ ಸೇರಿದಂತೆ ಪ್ರತಿಯೊಂದು ಕೆಲಸಗಳಿಗೂ ಆಧಾರ್ ಕಾರ್ಡ್ (Aadhaar Card) ಬಹಳ ಮುಖ್ಯ. ಇದು ಪ್ರತಿಯೊಬ್ಬ ಭಾರತೀಯನ ಅತ್ಯಂತ ಪ್ರಮುಖ ಗುರುತಿನ ದಾಖಲೆಯಲ್ಲಿ ಒಂದಾಗಿದೆ. ಹೀಗಿರುವಾಗ ಆಧಾರ್ ಕಾರ್ಡ್ ನಲ್ಲಿ ಮಾಹಿತಿಯನ್ನು ದುರುಪಯೋಗ ಆಗದಂತೆ ನೋಡಿಕೊಳ್ಳುವುದು ಮುಖ್ಯ. ಈ ಹಿನ್ನಲೆಯಲ್ಲಿ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರವು ವಿಶೇಷ ಸೌಲಭ್ಯವನ್ನು ತಂದಿದೆ. ಮಾಹಿತಿ ದುರಪಯೋಗ ಆಗಬಾರದು ಎನ್ನುವ ದೃಷ್ಟಿಯಿಂದ ಬಯೋಮೆಟ್ರಿಕ್ ಡೇಟಾವನ್ನು ಲಾಕ್ ಮತ್ತು ಅನ್ಲಾಕ್ ಮಾಡುವ ವಿಶೇಷ ಸೌಲಭ್ಯ ಒದಗಿಸಿದೆ. ಆಧಾರ್ ಬಯೋಮೆಟ್ರಿಕ್ ಡೇಟಾವನ್ನು mAadhaar ಅಪ್ಲಿಕೇಶನ್ ಅಥವಾ UIDAI ಅಧಿಕೃತ ವೆಬ್ಸೈಟ್ ಬಳಸಿ ಸುಲಭವಾಗಿ ಲಾಕ್ ಅಥವಾ ಅನ್ಲಾಕ್ ಮಾಡಬಹುದು.
ಅಧಿಕೃತ ವೆಬ್ಸೈಟ್ನಲ್ಲಿ ಬಯೋಮೆಟ್ರಿಕ್ ಡೇಟಾ ಲಾಕ್ ಮಾಡುವುದು ಹೇಗೆ?
ಹಂತ 1: UIDAI ಪೋರ್ಟಲ್ಗೆ ಭೇಟಿ ನೀಡಿ. ಆಧಾರ್ ಸೇವೆಗಳ ವಿಭಾಗದಿಂದ “ಲಾಕ್/ಅನ್ಲಾಕ್ ಬಯೋಮೆಟ್ರಿಕ್ಸ್” ಆಯ್ಕೆಮಾಡಿ.
ಹಂತ 2: 12-ಅಂಕಿಯ ಆಧಾರ್ ಸಂಖ್ಯೆ, ಭದ್ರತಾ ಕೋಡ್ ನಮೂದಿಸಿ ಮತ್ತು ಒಟಿಪಿ ಕಳುಹಿಸು ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಹಂತ 3: ಆಧಾರ್ನಲ್ಲಿ ನೋಂದಾಯಿಸಲಾದ ನಿಮ್ಮ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುತ್ತದೆ.
ಹಂತ 4: ನಿಮ್ಮ ಮೊಬೈಲ್ ಸಂಖ್ಯೆಗೆ ಕಳುಹಿಸಲಾದ ಒಟಿಪಿ ಅನ್ನು ನಮೂದಿಸಿ. ಲಾಗಿನ್ ಬಟನ್ ಮೇಲೆ ಕ್ಲಿಕ್ ಮಾಡಿ.
ಹಂತ 5: ಸ್ಕ್ರೀನ್ ಮೇಲೆ ನಮೂದಿಸಲಾದ 4 ಅಂಕಿಯ ಭದ್ರತಾ ಕೋಡ್ ಅನ್ನು ನಮೂದಿಸಿ ಮತ್ತು ಸಕ್ರಿಯಗೊಳಿಸಿ ಎಂಬ ಬಟನ್ ಮೇಲೆ ಕ್ಲಿಕ್ ಮಾಡಿದರೆ, ನಿಮ್ಮ ಬಯೋಮೆಟ್ರಿಕ್ಸ್ ಲಾಕ್ ಆಗುತ್ತದೆ.
mAadhaar ಆಪ್ ಮೂಲಕ ಡೇಟಾ ಲಾಕ್ ಮಾಡುವುದು ಹೇಗೆ?
ಹಂತ 1: ನಿಮ್ಮ mAadhaar ಅಪ್ಲಿಕೇಶನ್ಗೆ ಲಾಗಿನ್ ಆಗಿರಿ.
ಹಂತ 2: ಅಪ್ಲಿಕೇಶನ್ನ ಮೇಲಿನ ಬಲ ಬದಿಯಲ್ಲಿರುವ ಹ್ಯಾಂಬರ್ಗರ್ ಐಕಾನ್ ಮೇಲೆ ಕ್ಲಿಕ್ ಮಾಡಿ.
ಹಂತ 3: ಬಯೋಮೆಟ್ರಿಕ್ ಸೆಟ್ಟಿಂಗ್ಗಳ ಆಯ್ಕೆಯನ್ನು ಆಯ್ಕೆ ಮಾಡಿ.
ಹಂತ 4: ಬಯೋಮೆಟ್ರಿಕ್ ಲಾಕಿಂಗ್ ಅನ್ನು ಸಕ್ರಿಯಗೊಳಿಸಿ ಆಯ್ಕೆಯನ್ನು ಟಿಕ್ ಮಾಡಿ.
ಹಂತ 5: ನಿಮ್ಮ ಮೊಬೈಲ್ ಸಂಖ್ಯೆಯಿಂದ ಒಟಿಪಿ ವಿನಂತಿಸಲಾಗುತ್ತದೆ. ಇದು ಅಪ್ಲಿಕೇಶನ್ನಲ್ಲಿ ಸ್ವಯಂಚಾಲಿತವಾಗಿ ನೀಡಲಾಗುತ್ತದೆ.
ಹಂತ 6: ನೀವು ಒಟಿಪಿ ನಮೂದಿಸಿದ ಬಳಿಕ ಬಯೋಮೆಟ್ರಿಕ್ ಲಾಕ್ ಆಗುತ್ತದೆ.
ಇದನ್ನೂ ಓದಿ: Aadhar Card: ಆಧಾರ್ ಕಾರ್ಡ್ನಲ್ಲಿ ಮೊಬೈಲ್ ನಂಬರ್ನ್ನು ಹೀಗೆ ತಿದ್ದುಪಡಿ ಮಾಡಿ
ಸಾಮಾನ್ಯವಾಗಿ ಕೇಳುವ ಪ್ರಶ್ನೆ ಮತ್ತು ಉತ್ತರ (FAQs)
ಪ್ರಶ್ನೆ: ಬಯೋಮೆಟ್ರಿಕ್ ಡೇಟಾವನ್ನು ಲಾಕ್ ಮಾಡುವುದು ಎಷ್ಟು ಮುಖ್ಯ?
ಉತ್ತರ: ಸುರಕ್ಷತೆಗೆ ಹಾಗೂ ಡೇಟಾ ದುರಪಯೋಗ ಆಗಬಾರದು ಎನ್ನುವ ದೃಷ್ಟಿಯಿಂದ ಬಯೋಮೆಟ್ರಿಕ್ ಡೇಟಾವನ್ನು ಲಾಕ್ ಮಾಡುವುದು ಬಹಳ ಮುಖ್ಯ.
ಪ್ರಶ್ನೆ: ಆಧಾರ್ ಬಯೋಮೆಟ್ರಿಕ್ ಡೇಟಾ ಲಾಕ್ ಮಾಡುವುದು ಹೇಗೆ?
ಉತ್ತರ: ಆಧಾರ್ ಬಯೋಮೆಟ್ರಿಕ್ ಡೇಟಾವನ್ನು mAadhaar ಅಪ್ಲಿಕೇಶನ್ ಅಥವಾ UIDAI ಅಧಿಕೃತ ವೆಬ್ಸೈಟ್ ಬಳಸಿ
ಪ್ರಶ್ನೆ: ಬಯೋಮೆಟ್ರಿಕ್ ಡೇಟಾ ಎಷ್ಟು ನಿಮಿಷದವರೆಗೆ ಆನ್ ಲಾಕ್ ಆಗಿರುತ್ತದೆ?
ಉತ್ತರ: ಬಯೋಮೆಟ್ರಿಕ್ ಮಾಹಿತಿಯು 10 ನಿಮಿಷಗಳವರೆಗೆ ಮಾತ್ರ ಅನ್ಲಾಕ್ ಆಗಿರುತ್ತದೆ, ನಂತರ ಅದು ಸ್ವಯಂಚಾಲಿತವಾಗಿ ಮರು-ಲಾಕ್ ಆಗುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On – 5:32 pm, Thu, 23 July 26
