ಯಾವುದೇ ಕ್ರಿಕೆಟಿನ ಅಂತರರಾಷ್ಟ್ರೀಯ ಕ್ರಿಕೆಟ್ ವೃತ್ತಿಜೀವನ ಆರಂಭವಾಗುವ ವಯಸ್ಸು ಹತ್ತಿರ ಹತ್ತಿರ 20 ರಿಂದ 25 ವರ್ಷ. ಆದರೆ ಅದೇ 25 ವರ್ಷ ಮುಗಿಯುವುದಕ್ಕೂ ಮುನ್ನವೇ ಯುವ ಕ್ರಿಕೆಟಿಗನ ವೃತ್ತಿಬದುಕು ಅಂತ್ಯವಾಗಿದೆ. ಇಂಗ್ಲೆಂಡ್ ತಂಡದ ವೇಗದ ಬೌಲರ್ ಜಾನ್ ಟರ್ನರ್ ತಮ್ಮ 25ನೇ ವಯಸ್ಸಿನಲ್ಲಿ ವೃತ್ತಿಪರ ಕ್ರಿಕೆಟ್ನಿಂದ ಹಠಾತ್ ನಿವೃತ್ತಿ ಘೋಷಿಸಿದ್ದಾರೆ(PC-PTI).
ಗಾಯದಿಂದಾಗಿ ಒಂದು ವರ್ಷಕ್ಕೂ ಹೆಚ್ಚು ಕಾಲ ಕ್ರಿಕೆಟ್ನಿಂದ ಹೊರಗುಳಿದಿದ್ದ ಜಾನ್ ಟರ್ನರ್ 2024 ರ ಕೊನೆಯಲ್ಲಿ ಇಂಗ್ಲೆಂಡ್ನ ವೆಸ್ಟ್ ಇಂಡೀಸ್ ಪ್ರವಾಸದ ಸಮಯದಲ್ಲಿ ಎರಡು ಏಕದಿನ ಮತ್ತು ಎರಡು ಟಿ20 ಪಂದ್ಯಗಳನ್ನು ಆಡಿದ್ದರು. ಈ ಪಂದ್ಯಗಳಲ್ಲಿ ಮೂರು ವಿಕೆಟ್ಗಳನ್ನು ಕಬಳಿಸಿದ್ದರು. ಆ ಬಳಿಕ ಗಾಯದಿಂದಾಗಿ ತಂಡದಿಂದ ಹೊರಬಿದಿದ್ದರು(PC-ECB).
ತಮ್ಮ ನಿವೃತ್ತಿಯ ಬಗ್ಗೆ ಹೇಳಿಕೆ ನೀಡಿರುವ ಟರ್ನರ್, ‘ವೃತ್ತಿಪರ ಮತ್ತು ಅಂತರರಾಷ್ಟ್ರೀಯ ಕ್ರಿಕೆಟ್ ಆಡುವುದು ಯಾವಾಗಲೂ ನನ್ನ ಕನಸಾಗಿತ್ತು. ಹ್ಯಾಂಪ್ಶೈರ್ ಮತ್ತು ಇಂಗ್ಲೆಂಡ್ ಪರ ಆಡುವುದು ಕೂಡ ನನ್ನ ಬಾಲ್ಯದ ಕನಸಾಗಿತ್ತು. ಆ ಕನಸು ನನಸು ಕೂಡ ಆಯಿತು. ಆದರೆ ನಾನೀಗ ಆಟದಿಂದ ನಿವೃತ್ತಿ ಹೊಂದಲು ನಿರ್ಧರಿಸಿದ್ದೇನೆ. ಇದು ನಾನು ತೆಗೆದುಕೊಳ್ಳಬೇಕಾದ ಅತ್ಯಂತ ಕಠಿಣ ನಿರ್ಧಾರಗಳಲ್ಲಿ ಒಂದಾಗಿದೆ. ಗಾಯದಿಂದಾಗಿ ನಾನು ಒಂದು ವರ್ಷಕ್ಕೂ ಹೆಚ್ಚು ಕಾಲ ಆಟದಿಂದ ಹೊರಗುಳಿದಿದ್ದೆ(PC-ECB).
ನಿರಂತರ ಗಾಯಗಳು ಕ್ರಿಕೆಟಿಗನಾಗಿ ನನ್ನ ಭವಿಷ್ಯದ ಬಗ್ಗೆ ಯೋಚಿಸುವಂತೆ ಮತ್ತು ಆಟದಿಂದ ದೂರವಾಗುವಂತೆ ಒತ್ತಾಯಿಸಿದವು. ನನ್ನ ಮುಂದಿನ ಸವಾಲನ್ನು ಎದುರಿಸಲು ಈಗ ಸರಿಯಾದ ಸಮಯ ಎಂದು ನಾನು ನಿರ್ಧರಿಸಿದೆ. ಹ್ಯಾಂಪ್ಶೈರ್ಗಾಗಿ ನಾನು ಆಡಿದ ಐದು ವರ್ಷಗಳು ವೃತ್ತಿಪರ ಕ್ರಿಕೆಟಿಗನಾಗಿ ನಾನು ಅನುಭವಿಸಿದ ಐದು ವರ್ಷಗಳಲ್ಲಿ ಅತ್ಯುತ್ತಮವಾಗಿವೆ ಎಂದಿದ್ದಾರೆ(PC-ECB).
2023 ರಲ್ಲಿ ದಿ ಹಂಡ್ರೆಡ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ ನಂತರ ಟರ್ನರ್ಗೆ ಇಂಗ್ಲೆಂಡ್ ತಂಡದಲ್ಲಿ ಅವಕಾಶ ನೀಡಿಲಾಯಿತು. ಆ ಬಳಿಕ ಹ್ಯಾಂಪ್ಶೈರ್ನ ಕೌಂಟಿ ಚಾಂಪಿಯನ್ಶಿಪ್ ತಂಡದ ಪರ ಆಡಿದ ಟರ್ನರ್, ಈ ತಂಡದ ಪರ ಕೇವಲ ಏಳು ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದರು. ಆದರೆ ಆ ಬಳಿಕ ಸತತ ಗಾಯಗಳಿಂದ ನಲುಗಿದ ಟರ್ನರ್ ತಮ್ಮ ವೃತ್ತಿಜೀವನಕ್ಕೆ ವಿದಾಯ ಹೇಳಿದ್ದಾರೆ(PC-ECB).