ಐರ್ಲೆಂಡ್ ಮತ್ತು ಇಂಗ್ಲೆಂಡ್ ವಿರುದ್ಧದ ಟಿ20 ಸರಣಿಗೆ ಆಯ್ಕೆಯಾಗಿರುವ ವೈಭವ್ ಸೂರ್ಯವಂಶಿ ಇದೀಗ ಭಾರತ ಹಿರಿಯರ ತಂಡದ ಜೆರ್ಸಿಯನ್ನು ಪಡೆದುಕೊಂಡಿದ್ದಾರೆ. ತಮ್ಮ ಹೆಸರಿರುವ ಐಕಾನಿಕ್ ನೀಲಿ ಜೆರ್ಸಿಯನ್ನು ಪಡೆದ ವೈಭವ್, “ಇದು ನನ್ನ ಜೀವಮಾನದ ಕನಸು” ಎಂದಿದ್ದಾರೆ.
ವೈಭವ್ ಸೂರ್ಯವಂಶಿಯ ಈ ವಿಶೇಷ ಕ್ಷಣಗಳ ವಿಡಿಯೋವನ್ನು ಬಿಸಿಸಿಐ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಈ ವಿಡಿಯೋದಲ್ಲಿ “ಇದು ನನ್ನ ಜೀವಮಾನದ ಕನಸು, ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ” ಎಂದು ಭಾವುಕರಾಗಿ ನುಡಿದಿದ್ದಾರೆ.
Ladies & Gentlemen
The moment the nation has been waiting for has arrived!
Vaibhav Sooryavanshi in #TeamIndia jersey. Witness this incredibly special moment ❤️ pic.twitter.com/sUUytFMPVw
— BCCI (@BCCI) June 23, 2026
ಅಲ್ಲದೆ ಈ ಜೆರ್ಸಿಯೊಂದಿಗೆ ವೈಭವ್ ಸೂರ್ಯವಂಶಿ ಟೀಮ್ ಇಂಡಿಯಾ ಪರ ಕಣಕ್ಕಿಳಿದರೆ ಹೊಸ ಇತಿಹಾಸ ನಿರ್ಮಾಣವಾಗಲಿದೆ. ಏಕೆಂದರೆ ಭಾರತದ ಪರ ಯಾವುದೇ ಆಟಗಾರ 15ನೇ ವಯಸ್ಸಿನಲ್ಲಿ ಅಂತಾರಾಷ್ಟ್ರೀಯ ಪಂದ್ಯವಾಡಿಲ್ಲ.
- ಸಚಿನ್ ತೆಂಡೂಲ್ಕರ್ (ಟೆಸ್ಟ್ ಕ್ರಿಕೆಟ್): ಟೀಮ್ ಇಂಡಿಯಾ ಪರ ಟೆಸ್ಟ್ ಕ್ರಿಕೆಟ್ ಆಡಿದ ಅತ್ಯಂತ ಕಿರಿಯ ಆಟಗಾರ ಸಚಿನ್ ತೆಂಡೂಲ್ಕರ್. 1989 ರಲ್ಲಿ ಪಾಕಿಸ್ತಾನ್ ವಿರುದ್ಧ ಚೊಚ್ಚಲ ಟೆಸ್ಟ್ ಪಂದ್ಯವಾಡಿದಾಗ ಸಚಿನ್ ಅವರ ವಯಸ್ಸು 16 ವರ್ಷ, 205 ದಿನಗಳು
- ಸಚಿನ್ ತೆಂಡೂಲ್ಕರ್ (ಏಕದಿನ ಕ್ರಿಕೆಟ್): ಭಾರತದ ಪರ ಏಕದಿನ ಪಂದ್ಯವಾಡಿದ ಅತ್ಯಂತ ಕಿರಿಯ ಆಟಗಾರ ಕೂಡ ಸಚಿನ್ ತೆಂಡೂಲ್ಕರ್. 1989 ರಲ್ಲಿ ಪಾಕಿಸ್ತಾನ್ ವಿರುದ್ಧ ಚೊಚ್ಚಲ ಒಡಿಐ ಮ್ಯಾಚ್ ಆಡಿದಾಗ ಸಚಿನ್ ತೆಂಡೂಲ್ಕರ್ ಅವರ ವಯಸ್ಸು 16 ವರ್ಷ, 238 ದಿನಗಳು.
- ವಾಷಿಂಗ್ಟನ್ ಸುಂದರ್ (ಟಿ20 ಕ್ರಿಕೆಟ್): ಟೀಮ್ ಇಂಡಿಯಾ ಪರ ಏಕದಿನ ಕ್ರಿಕೆಟ್ನಲ್ಲಿ ಪಾದಾರ್ಪಣೆ ಮಾಡಿದ ಅತ್ಯಂತ ಕಿರಿಯ ಆಟಗಾರ ವಾಷಿಂಗ್ಟನ್ ಸುಂದರ್. 2017 ರಲ್ಲಿ ಶ್ರೀಲಂಕಾ ವಿರುದ್ಧ ಚೊಚ್ಚಲ ಪಂದ್ಯವಾಡಿದಾಗ ಅವರ ವಯಸ್ಸು 18 ವರ್ಷ, 80 ದಿನಗಳು.
ಒಂದು ವೇಳೆ 15 ವರ್ಷದ ವೈಭವ್ ಸೂರ್ಯವಂಶಿ ಐರ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಅಥವಾ ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಕಣಕ್ಕಿಳಿದರೆ ಟೀಮ್ ಇಂಡಿಯಾ ಪರ ಅಂತಾರಾಷ್ಟ್ರೀಯ ಪಂದ್ಯವಾಡಿದ ದಾಖಲೆ ನಿರ್ಮಿಸಲಿದ್ದಾರೆ. ಈ ಮೂಲಕ ಸಚಿನ್ ತೆಂಡೂಲ್ಕರ್ ಅವರ 37 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದು ಹೊಸ ಇತಿಹಾಸ ಬರೆಯಲಿದ್ದಾರೆ.
ಭಾರತ vs ಐರ್ಲೆಂಡ್ ಟಿ20 ಸರಣಿ ವೇಳಾಪಟ್ಟಿ:
ಭಾರತ vs ಇಂಗ್ಲೆಂಡ್ ಸರಣಿ ವೇಳಾಪಟ್ಟಿ:
| ಪಂದ್ಯ | ದಿನಾಂಕ (2026) | ಕ್ರೀಡಾಂಗಣ / ಸ್ಥಳ | ಸಮಯ (IST) |
|---|---|---|---|
| 1ನೇ ಟಿ20 ಪಂದ್ಯ | ಜುಲೈ 01, ಬುಧವಾರ | ರಿವರ್ಸೈಡ್ ಗ್ರೌಂಡ್, ಚೆಸ್ಟರ್-ಲೆ-ಸ್ಟ್ರೀಟ್ | ರಾತ್ರಿ 10:00 ಗಂಟೆಗೆ |
| 2ನೇ ಟಿ20 ಪಂದ್ಯ | ಜುಲೈ 04, ಶನಿವಾರ | ಓಲ್ಡ್ ಟ್ರಾಫರ್ಡ್, ಮ್ಯಾಂಚೆಸ್ಟರ್ | ಸಂಜೆ 7:00 ಗಂಟೆಗೆ |
| 3ನೇ ಟಿ20 ಪಂದ್ಯ | ಜುಲೈ 07, ಮಂಗಳವಾರ | ಟ್ರೆಂಟ್ ಬ್ರಿಡ್ಜ್, ನಾಟಿಂಗ್ಹ್ಯಾಮ್ | ರಾತ್ರಿ 10:00 ಗಂಟೆಗೆ |
| 4ನೇ ಟಿ20 ಪಂದ್ಯ | ಜುಲೈ 09, ಗುರುವಾರ | ಬ್ರಿಸ್ಟಲ್ ಕೌಂಟಿ ಗ್ರೌಂಡ್, ಬ್ರಿಸ್ಟಲ್ | ರಾತ್ರಿ 10:00 ಗಂಟೆಗೆ |
| 5ನೇ ಟಿ20 ಪಂದ್ಯ | ಜುಲೈ 11, ಶನಿವಾರ | ರೋಸ್ ಬೌಲ್, ಸೌತಾಂಪ್ಟನ್ | ಸಂಜೆ 7:00 ಗಂಟೆಗೆ |
| 1ನೇ ಏಕದಿನ ಪಂದ್ಯ | ಜುಲೈ 14, ಮಂಗಳವಾರ | ಎಡ್ಜ್ಬಾಸ್ಟನ್, ಬರ್ಮಿಂಗ್ಹ್ಯಾಮ್ | ಮಧ್ಯಾಹ್ನ 3:30ಕ್ಕೆ |
| 2ನೇ ಏಕದಿನ ಪಂದ್ಯ | ಜುಲೈ 16, ಗುರುವಾರ | ಸೋಫಿಯಾ ಗಾರ್ಡನ್ಸ್, ಕಾರ್ಡಿಫ್ | ಸಂಜೆ 5:30ಕ್ಕೆ |
| 3ನೇ ಏಕದಿನ ಪಂದ್ಯ | ಜುಲೈ 19, ಭಾನುವಾರ | ಲಾರ್ಡ್ಸ್ ಕ್ರಿಕೆಟ್ ಮೈದಾನ, ಲಂಡನ್ | ಮಧ್ಯಾಹ್ನ 3:30ಕ್ಕೆ |
Published On – 10:10 am, Tue, 23 June 26